Батыс облыстарындағы «Мемсараптама» РМК-нің филиалдары, облыстық мемлекеттік сәулет-құрылыс бақылау департаментінің өкілдері, жобалаушылар мен құрылыстың тапсырысшыларының қатысуымен өңірлік семинар-кеңес

2014 жылғы наурыз айының 4-де Атыраудағы «River Palace» қонақ үй кешенінің конференц-залында Батыс облыстарындағы «Мемсараптама» РМК-нің филиалдары, облыстық мемлекеттік сәулет-құрылыс бақылау департаментінің өкілдері, жобалаушылар мен құрылыстың тапсырысшыларының қатысуымен семинар-кеңесі өтті. Семинар тақырыбы: «Ғимараттар мен кешендер құрылысының жобалау сметалық құжаттамасын электронды түрде қабылдау жүйесінің тұсаукесері». Семинар жұмысында облыс әкімінің орынбасары Т.Шәкімов, «Мемсараптама» РМК-нің ақпарат жетекшісі Тауфик Кәрімов, әдістемелік бөлімінің бастығы Е.Б.Аканов, «Мемсараптама» РМК-нің Атырау облысы бойынша директоры Е.Қ.Көшмырзаев, Ақтөбе облысы бойынша филиалының директоры С.О.Лекеров, БҚО бойынша филиалының директоры Н.К.Ескендіров, Манғыстау облысы бойынша филиалының директоры Т.С.Хамиев, облыстық мемлекеттік сәулет-құрылыс бақылау департаментінің өкілдері, батыс өңірінің жобалаушылары мен құрылыстың тапсырысшылары, сондай-ақ «НАТ-Қазақстан» АҚ-ның электронды жүйе жасақтаушылары қатысты. Сараптау жұмысын реформалау барысында және ашықтық пен айқындық қағидаларын жүзеге асыру мақсатында, мемлекеттік сараптамада нысандар мен кешендер құрылысының жобаалды, жобалау сметалық құжаттамаласын электрондық түрде қабылдау жүйесі енгізілді. Жобалау-сметалық құжаттаманы электронды түрде қабылдау жүйесі www.epsd.kz интернет порталы арқылы 2014 жылдың 1 сәуірден жұмысын бастайды. Аталған жобаны іске асыру мақсатында «Мемсараптама» РМК және оның филиалдары қызметіне арнайы ақпараттық жүйе еңгізіліп отыр. Бұл жүйе мемлекеттік сараптамаға ЖСҚ тапсырған өтініш берушілермен арада интерактивті байланыс орнатуға мүмкіндік береді. Тағы тиімді жағы, ЖСҚ тапсыру мерзімін қысқартады және жобаны сарапшылармен қаралу барысын тапсырысшы дистанциялық бақылауда ұстап отыра алады. Өтініш порталдың «жеке кабинеті» арқылы электронды түрде беріледі. ЖСҚ электронды түрде ұсыну үшін сілтеме бойынша (http://epsd.kz) жүріп және порталда тіркелу қажет. Осы талаптар интернет порталдың бас бетінде орналасқан. Өтініш беруші құжаттаманы тапсыру үшін «Мемсараптама» РМК-нің ресми интернет сайты арқылы кіріп, қажетті аумақтық бөлімшесін таңдай алады. Бұдан басқа ЖСҚ электронды қабылдау жүйесі тек ұлттық куәләндіру орталығынан арнайы алынған электронды-санды қол қою арқылы жұмыс істейді. Қазақстан Республикасының «Электронды құжат және электронды-санды қол» Заңының 10 бабы, 1 тармағы бойынша электронды-санды қол қою тұлғаның өз қолымен қойғанмен маңызы бірдей болып табылады және біркелкі заңгерлік нәтижесін береді. Сондай-ақ порталда электронды форматта қабылданатын құжаттаманың талаптары бойынша ақпарат бар. Порталда жұмыс істеуге қатысты барлық мәселелер бойынша қызмет көрсету «Мемсараптама» РМК-нің ресми сайтынан (www.gosexpertiza.kz) табуға болады.