Anticorruption actions

2018 жылғы 19 сәуірде «Мемсараптама» РМК-нің Қарағанды облысы бойынша филиалында Қазақстан Республикасының «Сыбайлас жемқорлыққа қарсы іс-қимыл туралы» Заңының аясында ҚР сыбайлас жемқорлыққа қарсы заңнаманың сақталуы тақырыбына лекция өткізілді. Іс-шараға «Мемсараптама» РМК-нің ішкі бақылау бөлімінің бас маманы М.А. Тымбаев және Қарағанды облысы бойынша «Жаңару» сыбайлас жемқорлыққа қарсы жалпыұлттық қозғалысы» РҚБ-нің өкілі С.А. Абубакиров шақырылды. Филиал директоры А.Ж. Касимов осы іс-шара сыбайлас жемқорлықтың құрамдас тәуекелдерін азайту, Филиал қызметкерлері арасында алдын алу-профилактикалық жұмыс жасау, сондай-ақ «Жаңару» РҚБ қызметімен танысу мақсатында ұйымдастырылғанын хабарлады. С.А. Абубакиров қатысушылардың назарына «Қазақстанның Үшінші жаңғыруы: жаһандық бәсекеге қабілеттілік» Мемлекет басшысы Н.Назарбаевтың 2017 жылғы 31 қаңтардағы Қазақстан халқына жолдауын іске асыру «Жаңару» сыбайлас жемқорлыққа қарсы жалпыұлттық қозғалысы» республикалық қоғамдық бірлестік үшін тікелей іс-әрекетке басшылық ретінде қабылданғанын жеткізді. «Жаңару» РҚБ сыбайлас жемқорлыққа қарсы стратегиясының негізгі бағыттары «Салдармен күресу емес, жағдайлар мен себептермен күресу» сыбайлас жемқорлық белсенділігін тиімді бейтараптандыруға бағдарланған, алдын алу, профилактикалық сипаттағы шаралармен анықталады. ҚР «Сыбайлас жемқорлыққа қарсы іс-қимыл туралы» Заңының негізгі мақсаты Қазақстанның одан әрі тұрақты дамуы мен экономикалық гүлденуінің маңызды шарты ретінде сыбайлас жемқорлыққа ойдағыдай қарсы тұруға бағытталған және сыбайлас жемқорлыққа қарсы ұлттық кешенді тетіктер жүйесін құруды, республикада сыбайлас жемқорлық белсенділігін бейтараптандыру және тиімді алдын алуды, сондай-ақ мемлекеттік және жеке экономика секторларында және әлеуметтік салада адалдықты, риясыз адалдықты көтермелеуді, жемқорлыққа қарсы іс-қимыл бойынша азаматтық қоғамның әлеуетін күшейту жолымен мемлекет пен қоғамның тіршілік әрекетінің барлық салаларында сыбайлас жемқорлықтың деңгейін төмендетуді қамтиды. Осыған байланысты «Жаңару» РҚБ ведомстволық нормативтер шығару үшін бақылауды күшейтеді және «сыбайлас жемқорлыққа қарсы» бағыттағы заңнамаға тұрақты жұмыс істейтін сараптаманы енгізеді. С.А. Абубакировтың сөзінен кейін, нақты тұлғалардың лауазымдары мен жазалау түрлері көрсетілген, олармен жасаған сыбайлас жемқорлық құқық бұзушылық туралы «Заң алдында барлығы тең» атты бейнеролик көрсетілді. М.А. Тымбаев «Жаңару» РҚБ-нің өкіліне осы іс-шараға қатысқаны үшін ризашылығын білдірді және Мемсараптама» РМК-нің Қарағанды облысы бойынша филиалының жұмысын атап өтіп, Филиал Бас кәсіпорынның сенімді, перспективті бөлімшесі болып табылатынын айтты. Сонымен қатар, М.А. Тымбаев «Мемсараптама» РМК-нің ішкі бақылау бөлімінің бірінші кезектегі міндеті Филиал қызметкерлерін заңға қайшы сыбайлас жемқорлық әрекеттерден қауіпсіздендіру болып табылатынына назар аударды. А.Ж. Касимов қорытындылай келе, осындай профилактикалық іс-шаралар тұрақты негізде өткізілетін хабарлады.