Время приёма посетителей с 09:00 до 12:30 часов
Республиканское государственное предприятие на праве хозяйственного ведения «Государственная вневедомственная экспертиза проектов»    
Телефон
+7 (7172) 57-44-84
E-mail
gosexpertiza@gosexpertiza.kz

BIM технологиясы бойынша оқыту

2015-03-01
2015 жылғы 2-27 ақпан аралығында «Мемсараптама» РМК Қарағанды облысы бойынша филиалы қызметкерлері «Мемсараптама» РМК Building Information Modelling (BIM) технологияларын қолдану және пайдалану бойынша оқыту курсы өткізілді. BIM технологиясы (Ғимараттарды Ақпарттық Модельдеу) сандық түрде ғимараттардың бір немесе бірнеше нақты виртуальдік модельдерін құрастыруға мүмкіндік береді. Модельдерді пайдалану мұқият талдау мен бақылауды қамтамасыз етіп, жобалау үдерісін оның барлық кезеңдерінде жеңілдетеді. Аяқталған, осы компьютерлік модельдер конструкцияның нақты геометриясын және материалдарды сатып алу, конструкцияларды жасау және құрылыс жұмыстарын жүргізу үшін барлық қажетті мәліметтерді қамтиды. BIM (Ғимараттарды Ақпарттық Модельдеу) – инженерлік-құрылыс саласында пайдаланылатын, жобалаудың ең заманауи және жетілдірілген технологиясы. BIM технологиясының мәні: пайдаланушы ғимараттардың үш өлшемді ақпараттық моделін құрайды. Сол ақпараттық моделдегі әрбір элементтің көптеген техникалық қасиеттері бар. Осындай ақпараттық моделдің кез келген элементінің өзгеруі жобаның барлық бөлімдерінде – жоспарларда, кесінділерде, фасадтарда, 3d моделдерінде көрінеді. Ғимараттың ақпараттық моделінде қарапайым геометриялық өлшемдерден басқа, пайдаланылатын материалдардың құрылымы, олардың тығыздығы, жылу өткізгіштігі және өзге де физикалық қасиеттері туралы мәліметтер болуы мүмкін. Ғимараттың ақпараттық моделін сауатты құрастырған соң, сызбалардың барлық түрлерін, тізімдеме кестелерін, ғимараттардың ерекшеліктері мен экспликацияларын қоса алғанда, жобаланатын ғимарат бойынша айтарлықтай барлық жобалық құжаттаманы автоматты түрде алуға болады.