«Қазақ тілі – болшағым, ертеңім»

22-қыркүйек «Халықаралық тілдер күніне» арнап «Мемсараптама» РМК-нің Павлодар облысы бойынша филиалының қызметкерлері арасында «Қазақ тілі – болшағым, ертеңім» сайыс ұйымдастырылды. Бұл сайыста ұжым қызметкерлері өзара екі топқа бөлініп тілге қаншалықты жетік екендіктерін көрсетті. Сайысқа екі команда ұлттық нақыштағы киімдермен келді. Сайыс 5 кезеңнен тұрды. Өзін-өзі таныстыру, сауаттылық, мақал-мәтел жарысы, сөз тапқанға қолқа жоқ, кім тапқыр кезеңдерінде қатысушылар өз білімдерін ортаға салды. Үш адамнан құралған қазылар алқасы әр кезеңге баллдық жүйемен баға беріп отырды. Сайыс өте қызықты өтті. Сайыс аяқталған соң қазылар жеңімпаз команданы анықтап сыйлықтар тарту етті. Бірінші орын алған командаға кубок , марапаттау қағазы мен сыйлық тарту етілсе, екінші орын алған топ та құр қалған жоқ. Топ ішінен барынша тапқырылық танытқандарға ынталандыру сыйлықтары берілді. Филиал директоры жеңімпаз топқа кубокты бере отырып бұндай кубоктың енді жыл сайын тартысқа салынатынын, жыл сайын жеңіске жете берулеріне тілектестік білдірді. Соңынан бүгінгі сайыстан алған әсерлерімен бөліскен ұжым қызметкерлері келесі жылы сайысқа бұдан да тыңғылықты дайындалып, сайыс шарттарының көбірек болғандығын қалайтындарын айтты. Адал перзент ана сүтін ақтаған, Ана отанын жаудан қорғап сақтаған. Өзге тілден оңдырады не тауып, Өз тілінен інжу маржан таппаған – деп жерлес ақынымыз Оразақын Асқар жырлағандай өз қандастарымызға да өз тілдеріңнен сусындап, өз тілдеріңізді құрметтеңіздер деген тілектеміз.