Вход в систему

Опрос

Удобен ли в использовании портал электронной сдачи ПСД?:

Последние ответы на вопросы

«Тілге құрмет – елге құрмет» Фестивалі!

2013-09-23
«Тілге құрмет – елге құрмет» Фестивалі!
«Тілге құрмет – елге құрмет» Фестивалі!
«Тілге құрмет – елге құрмет» Фестивалі!

2013 жылғы қыркүйек айының 18-нен бастап 20-на дейін үшінші жыл сайынғы Қазақстан халқының тілдері күніне арналған «Тілге құрмет – елге құрмет» Фестивалі өтті. Фестивальге Қазақстан Республикасының «Мемсараптама» РМК филиалдарынан 17 ұжым қатысты.
2012 жылғы қыркүйек айында өткен Фестиваль нәтижелері бойынша, 2013 жылы ұйымдастыру кезегі құрамы 4 адамнан тұратын: Шапатин Ербол, Қалменов Бауыржан, Тұрмағанбетова Ажар және Иманбаева Ақбота «Мемсараптама» РМК Ақтөбе облысы бойынша филиалының қатысушылары жолға аттанған Талдықорған қаласына, «Мемсараптама» РМК Алматы облысы бойынша филиалына берілді.
Фестиваль қатысушылары 3-турда өнерлерін көрсетіп, нәтижесінде «Мемсараптама» РМК Атырау облысы бойынша филиалы жеңімпаз атанды, әріптестерімізді шын жүректен құттықтаймыз!
«Менің Отаным – Қазақстан!» атты бірінші турында туған жер жайында мемлекеттік тілде өлең оқылып, бейне ролик көрсетілді.
Екінші турдың тапсырмасы қатысушыларға таңдау бойынша түскен Қазақстан аумағында тұратын халықтарының өлеңдері мен билерін орындау болды. Ақтөбе облысы бойынша филиалы аталмыш сайыста түрік халқын көрсетті.
Үшінші турда қатысушылар бал киімдерін киіп, австриялық композиторы Иоганн Штраустың «Вена вальсі» шығармасына халықтар достығы вальсін орындады.
Сонымен бірге, дайындықтар мен сайыстардан бос уақытында Фестиваль ұйымдастырушыларымен Мемсараптама» РМК Алматы облысы бойынша филиалының жаңа әкімшілк ғимаратына экскурсия ұйымдастырылды.
Сайыстың 5 номинациясы бойынша «Мемсараптама» РМК Ақтөбе облысы бойынша филиалы «Үздік өлең оқу» номинациясын жеңіп алып, Фестиваль ұйымдастырушыларынан жеке алғыс хаттармен марапатталды.
Әріптестерімізді, екінші және үшінші орындарға ие болған Солтүстік-Қазақстан және Алматы қаласының филиалдарын құттықтаймыз! Сонымен бірге, ұйымдастырушылар - Мемсараптама» РМК Алматы облысы бойынша филиалына құшап жайып қарсы алып, Фестивальді жоғары деңгейде ұйымдастырғаны үшін алғысымызды білдіреміз!
Дәстүрге айналған төртінші Фестивальде Атырау қаласында кездескенше!