«Сумен жабдықтау және кәріз жүйелерінің сызбаларын, электрондық моделдерін жасау үшін геоақпараттық технологиялар. Сыртқы коммуникацияларды жобалау кезінде инженерлік есепті сараптау» тақырыбындағы семинар

Қызметкерлердің біліктілігін арттыру бағдарламасы аясында «Мемсараптама» РМК Ақтөбе облысы бойынша филиалы өндірістік бөлімінің инженерлік желілер мен құрылыстар тобының сарапшысы Д.А. Бойченко «Политерм» ЖШҚ-сы 2014 жылғы 4 тамыздан бастап 8 тамызға дейін РФ, Санкт-Петербург қаласында «Сумен жабдықтау және кәріз жүйелерінің сызбаларын, электрондық моделдерін жасау үшін геоақпараттық технологиялар. Сыртқы коммуникацияларды жобалау кезінде инженерлік есепті сараптау» тақырыбына ұйымдастырып өткізген семинарға қатысты. Семинар техникалық ғылымдар кандидаты, доцент Г.Г.Крицкий және инженер-консультант Р.А. Жуков басшылығымен өтті. Семинар өткізудің басты мақсаты – әзірлеушісі «Политерм» ЖШҚ болып табылатын «ZuluHydro» және «ZuluDrain» компьютерлік ақпараттық жүйелерді оқу. Бағдарлама мақсатына жұмыс жобалардағы сыртқы сумен жабдықтау және кәріз жүйелерінің инженерлік есептеріне сараптама жүргізуге мүмкіндік беретін «ZuluHydro» және «ZuluDrain» бағдарламалық-есептік кешені арқылы Zulu ГАЖ қорында сумен жабдықтау және кәріз жүйелерінің есебін жүргізу жатады. Оқу соңында әр сарапшы «ZuluHydro» және «ZuluDrain» көмегімен осыдан бұрын сараптаманың оң қорытындысы берілген нысанда қабылданған инженерлік шешімдердің жөнділігін тексерді. Семинар аяқталумен емтихан тапсырылып, қатысушыларға тиісті куәліктер берілді.