«Мемсараптама» РМК Кәсіпорында қабылданған сапа менеджменті жүйесі (СМЖ) бойынша бизнес-процестерді үнемі жақсарту және олардың ықтимад осалдықтарын талдау бойынша жұмысты белсенді түрде жалғастыруда.
Оған дәлел – СМЖ жұмыс істеп тұрғанын, тұрақты жақсарту қағидатына сәйкес дамитынын тексеру және 2021 жылғы 24 қарашада алынған № 21.2184.026 сертификатты растау мақсатында, 2022 жылғы 7-9 желтоқсан аралығында «Мемсараптама» РМК мен оның филиалдарының ISO 9001:2015 халықаралық стандартының талаптарына сәйкестігіне СМЖ бойынша инспекциялық аудиттің сәтті өтуі.
Инспекциялық аудитті сәйкестікті растау жөніндегі халықаралық орган «Русский Регистр Еуразия» ЖШС-ның аудиторлары жүргізді. Оның қорытындылары бойынша аудиторлар құрылымдық бөлімшелер арасындағы бизнес-процестердің өзара іс-қимылының жоғары деңгейін, басшылардың кәсібилігін, сондай-ақ менеджмент жүйесін жұмысқа қабілетті жағдайда ұстауға жауапты Кәсіпорын қызметкерлерінің құзыреттілігін атап өтті. Инспекциялық аудиттің нәтижелері бойынша «Мемсараптама» РМК-нің менеджмент жүйесі ISO 9001:2015 халықаралық стандартының талаптарына сәйкес келетіні туралы шешім қабылданды.
Республиканское государственное предприятие на праве хозяйственного ведения
«Государственная вневедомственная экспертиза проектов»
