Қазақстан Республикасының Президенті Қасым-Жомарт Тоқаевтың 2019 жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына жолдауын таныстыру және талқылау

2019 жылғы 4 қыркүйекте «Мемсараптама» РМК-нің Алматы қаласындағы филиалында Қазақстан Республикасының Президенті Қасым-Жомарт Тоқаевтың 2019 жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына жолдауын (бұдан әрі - Жолдау) қолдау және насихаттау мақсатында жиналыс өткізілді. Жиналысты «Мемсараптама» РМК-нің Алматы қаласындағы филиалының директоры С.О. Лекеров кіріспе сөзімен ашты. Өз сөзінде Мемлекет басшысы Жолдауда соңғы уақыттарда қазақстандықтарды мазалап жүрген өзекті мәселелерді көтергендігі, сонымен қатар оларды шешудің нақты механизмдерін сөз еткенін баса айтты. Бұл халықпен тиімді кері байланыс мәселелері, білім сапасын арттыру, отбасын және балалық мәселелері жөніндегі институттарды қолдау, инклюзивті қоғам құру, медициналық көрсетілетін қызметтің сапасы мен қолжетімділігін қамтамасыз ету, әлеуметтік қолдау жүйесін одан әрі дамыту, халық кірісін көтеру, отандық зейнетақы қорын дамыту және т.б. мәселелер екендігін айтып өтті. Жиналыс барысында Жолдаудың негізгі бес тарауы сөз етілді: 1. Заманауи тиімді мемлекет. 2. Азаматтардың құқығы мен қауіпсіздігін қамтамасыз ету. 3. Даму және инклюзивті экономика. 4. Әлеуметтік жаңғыртудың жаңа кезеңі. 5. Мықты өңірлер – мықты ел. Дамытудың аталған әрбір бағыттары бойынша Мемлекет басшысы жауапты органдарға бірқатар нақты міндеттемелер қойды. Жиналық қорытындысы бойынша мәселелерді талқылай отырып, пікір алмаса келе, шешім қабылданды: Қазақстан Республикасының Президенті Қасым-Жомарт Тоқаевтың 2019 жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына жолдауын бірауыздан қолдау көрсетілсін. 1. Мемлекет басшысы Қазақстан халқына қойған мәселелерді жүзеге асыруға қызметкерлерді толықтай тартуды қамтамасыз ету үшін филиалда жағдайлар жасалсын. 2. Сыбайлас жемқорлыққа қарсы іс-қимыл бойынша жұмыс жалғастырылсын, сыбайлас жемқорлық фактілеріне, еңбек тәртібін бұзуға, лауазымдық міндеттерді сапасыз орындауға бірбеткейлік танытылып, төзбеушілікпен қаралсын.