«Мемсараптама» РМК-де Ашық есік күні өтті

21 сәуірде «Мемсараптама» РМК және оның облыстық аумақтық бөлімшелері (филиалдары мен департаменттері) өз қызметін таныстыру және жүйеге жаңа білікті мамандарды тарту үшін жобалау-сараптамалық қызметтің барлық қатысушыларын офлайн-алаңға шақыра отырып, есігін ашты. «Мемсараптама» РМК бас директоры Қуандық Жұмабекұлы Қажкенов сәлемдесудің алғашқы сөздерінен бастап достық реңк пен кездесудің еркін форматын қойды, ол жәрмеңке аяқталғанға дейін барлық қатысушыларға мемлекеттік сараптаманың бизнес-процестерінің куәгері болуға, сарапшылармен сөйлесуге және қызықтыратын сұрақтар қоюға мүмкіндік берді. Әлеуметтік блок қатысушылардың ерекше қызығушылығын тудырды, өйткені Кәсіпорында 2014 жылдан бастап қызметкерлердің мүдделерін қорғайтын өзінің жергілікті кәсіподағы жұмыс істейді. Әлеуметтік кепілдіктердің кең тізімі үміткерлердің сараптамалық жәрмеңкеге қатысуын ынталандыратын факторлардың бірі болды. Кәсіпорынның бірыңғай республикалық жәрмеңкесі, ең алдымен, елордада және өңірлерде сараптама саласының еңбек нарығына мақсатты мониторинг жүргізуді, үздік кандидаттарды іріктеуді және жұмысқа орналастыруды, сондай-ақ кадр резервін қалыптастыруды белгіледі. Жәрмеңкеге елордалық Жұмыспен қамту орталығының өкілдері қатысып, Орталық директоры Бақытбек Әділбекұлы Қабжанов баяндама жасап, аталған іс-шараның маңыздылығы мен қажеттілігін атап өтті. Бұл іс-шара жобалық орта өкілдерінің де қызығушылығын тудырды, сондықтан болашақта «мемлекеттік сарапшылар» атағын абыроймен көтере алатын жобалаушылар республика бойынша жәрмеңкеге қатысты. «Мемсараптама» РМК және Астана қаласы әкімдігінің «Халықты жұмыспен қамту орталығы» КММ басшыларының сөз сөйлеуі, Кәсіпорын қызметінің және әлеуметтік кепілдіктердің тұсаукесері аяқталғаннан кейін сарапшылардың жұмыс орындары бойынша шақырылған қонақтарға және кандидаттарға экскурсиясы өткізілді. Орталық апараттың әдістеме басқармасының, жобаларды сараптау басқармасының және персоналды басқару жөніндегі бөлімінің мамандары үміткерлермен алдын ала әңгімелесу, сауалнама жүргізіп, үміткерлерді қызықтырған сұрақтарға жауап берді. Өткізілген «Ашық есік күні» іс-шарасына (Бос орындар жәрмеңкесі) 100-ге жуық ізденуші қатысты. Таныстырылым материалдары да жақсы пікірлер алды. Ашық әлеуметтік месенжерлерде орналастырылған қызықты және серпінді бейне-роликтер мемлекеттік сараптаманың ашықтығы мен одан да тығыз өзара іс-қимылға дайындығын көрсетуге мүмкіндік берді. Сондай-ақ, іс-шара аясында «Астана қаласы әкімдігінің Халықты жұмыспен қамту орталығы» КММ-мен әлеуметтік-еңбек саласындағы өзара іс-қимыл туралы меморандумға қол қою туралы шешім қабылданды.