2023 жылғы 21 қыркүйекте «Мемсараптама» РМК Астана қаласы әкімдігінің «Еңбек ұтқырлығы орталығы» КММ ұйымдастырған жалпықалалық бос орындар жәрмеңкесіне қатысты.
Жәрмеңкенің негізгі мақсаты – жұмыс беруші мен өтініш берушінің тікелей байланысы арқылы жұмыссыз азаматтарды, білім беру ұйымдарының түлектерін және жастарды жұмысқа орналастыру екенін атап өтті.
Сонымен қатар, жәрмеңкеге қала бойынша 58-ден астам жұмыс берушілер қатысып, бос жұмыс орындарын ұсынды. Бұл жастар үшін өздері қалаған саладағы бос жұмыс орындарының нарығын зерттеуге және бір жерде бірнеше жұмыс берушімен тікелей байланысуға тамаша мүмкіндік.
Айта кетейік, бос орындар жәрмеңкесі компаниялар үшін де, жұмыс іздеушілер үшін де тегін өткізіледі. Жұмыс орындарына қызметке алу кезінде азаматтардың жекелеген санаттарын, мысалы - есепте тұрған мүгедектерді, жетім балаларды, әйелдерді, алимент бойынша берешегі бар азаматтарды жұмысқа орналастыруға ерекше назар аударылады.