Мемлекеттік тілдің қолданылу аясын кеңейтіп, мәртебесін көтеру мақсатында және 22 қыркүйек – Тілдер мерекесі күні қарсаңында «Мемсараптама» РМК-ның Қызылорда облысы бойынша филиалында өткізілген дөңгелек үстел.

«Мемсараптама» РМК-ның Қызылорда облысы бойынша филиалында тілдің қолданылу аясын кеңейтіп, мәртебесін көтеру мақсатында және 22 қыркүйек – Тілдер мерекесі күні қарсаңында «Қазақ тілі» қоғамы облыстық филиалының төрағасының қатысуымен дөңгелек үстел өткізілді. Жиналыста сөз алған кәсіпорын директорының орынбасары Қайрат Әнуарұлы Сәрсенбаев «Тілдерді дамыту мен қолданудың» 2011-2020 жылдарға арналған Мемлекеттік бағдарламасын іске асыруды өз деңгейінде жүргізіп, қазақ тілінің мемлекеттік дәрежесін көтеру қажеттігін, осы бағытта жұмыстарды сапалы да саналы жүргізу керектігін сөз етті. Кәсіпорынның ісқағаздары, кіріс-шығыс корреспонденциялары мемлекеттік тілде ұдайы өз деңгейінде жүргізіліп отыратындығын айтты. Сонан соң, «Қазақ тілі» қоғамы облыстық филиалының төрағасы Сәдуақас Аңсат облысымызда атқарылып жүрген іс-шаралар туралы әңгіме етті. Мекемелерде, ұйымдарда, ұжымдарда, жалпы қоғамда мемлекеттік тіл қандай дәрежеде қолданылып келе жатқандығы, Тіл мәдениетін сақтау, қатесіз жазу жөнінде сөз болды. Осы дөңгелек үстелде сөз алған бірқатар әріптестер өздерінің тіл мәселесі туралы ойларын ортаға салды. Сметалық тобының жетекшісі Ш.Балмағанбетова, сәулет-жоспарлау тобының жетекшісі М.Қожаев, конструкторлық тобының жетекшісі С.Акилбаева, инженерлік желілер мен құрылыстар тобының жетекшісі Ә.Жакупов –қоғамымызда тілді меңгеруде, оны дамытуда орын алып жүрген көптеген күрделі мәселелерді көтеріп, оның оң шешімін өзіміз сияқты тіл жанашырлары таба алатындығы, барлығы отбасынан, жас ұрпақты дұрыс тәрбиелеуден басталатындығы сөз етілді. Дөңгелек үстел қызу тартысты өтті.