Наурыз – Ұлыстың Ұлы күні! | Госэкспертиза. Государственная вневедомственная экспертиза проектов

Показывать анонс в полной версии

Содержимое новости:

Наурыз – Ұлыстың Ұлы күні! Наурызда күн менен түн теңеліп, тіршілік атаулы  қытымыр қыстың қыспағынан құтылады. Жан-жақтағы жанды-жансыз дүние түгел құлпырып, табиғат-анаға жан бітеді.
 Наурыз – қазақ халқы үшін ең басты мейрамдардың бірі әрі бірегейі. Халқымыз осынау ұлық мейрамды бар ынта-ықыласымен, шынайы сүйіспеншілігімен қарсы алады. Наурыз  - үлкен-кішіге ортақ  мейрам. 
  Мемсараптама РМК-ның Оңтүстік өңірі бойынша филиалының ұжымы, Ұлыстың Ұлы күнін есте қаларлықтай ерекше дайындықпен қарсы алды. «Наурыз – мейрамы» атты мерекелік іс-шара келген қонақтың бәрінің жанына жылылық ұялатты.
Наурыз тойы қазақша нақыштағы ою-өрнектері  көз тартатын киіз үйдей керегесі керіліп, түс киіздер ілініп безендірілген арнайы ғимаратта өтті. 
Дастарқанға ұлттық тағамдар толығымен дерлік, атап айтқанда: қазы-қарта, құрт-ірімшік, қымыз-қымыран қойылды және ең басты наурыз тағамы – наурыз көжесі ұсынылды. 
Наурыз дастарханын ұжымның ақсакалдар қауымы ашып, жастарға бата берді.
        Қызылды-жасылды ұлттық  киім  киген  ұжымның жас қыз-жігіттері ұжымдағы мейрамды көркімен бір құлпыртса, үлкен буындағы ағалар мен апаларымыз да сан қырлы өнерлерімен қалыспады. Үлкен-кіші демей, бүкіл ұжым қызметкерлері жеке дауыспен ән салып, өз өнерлерін көрсетті.
        Ұлттық салт-дәстүрді дәріптейтін, наурыз туралы ән-жырлар айтылды, мың бұралып биледі. Жиналған қауыммен «Қазақ халқының салт дәстүрлерін білу» туралы сұрақ-жауап ойындары қызықты да,  белсенді түрде өтті.
Қазақ халқының ғасырдан ғасырға жеткен керемет салты мен әдет-ғұрпы бар. Наурыз тойында бірқатар салт-дәстүрлер, атап айтар болсақ, тұсау кесу, қол күресі, теңге ілу, асық ату, тағы да басқа ұлттық ойындар ұжымдастардың белсенді қатысуымен ойнатылды.
  Ұжымдағы мерекелік іс-шараға белсенді қатысқан қызметкерлер  арнайы ұлттық нақышта әзірленген сыйлықтармен марапатталды.

Адреса страниц и электронной почты автоматически преобразуются в ссылки.
Доступны HTML теги: <em> <strong> <cite> <code> <ul> <ol> <li> <dl> <dt> <dd>

Подробнее о форматировании

Изображения:		Заказ	Удалить