Жемқорлыққа – жол жоқ!!!

2013 жылғы 22 тамызда «Мемсараптама» РМК Ақтөбе облысы бойынша филиалында сыбайлас жемқорлыққа қарсы күрес Бағдарламасын жүзеге асыру бойынша іс шаралар Жоспары шеңберінде Ақтөбе облысы бойынша ЭҚЖҚКД-нің қызметкерлері департаменттің аға инспекторы қаржы полиция капитаны Өтегенов Ерлан Әділқазыұлы және баспасөз-хатшысы Дармышева Махаббат Темірханқызы қатысуымен филиал қызметкерлеріне дәріс-әңгіме ұйымдастырылып, өткізілді. Өзінің сөзін дәріскер жемқорлыққа қарсы күрес туралы Заңының негізгі ережелерімен таныстырып, түсінік беруден бастап, мемлекеттің жемқорлықпен байланысты құқық бұзушылықтарды жою, болдырмау және ашу бойынша шаралар қолдануда екенін түсіндірді. Сонымен қатар, дәріскер жемқорлықпен күресудің негізгі қағидаттары туралы сөз етті: барлығының заң және сот алдында теңдігі; мемлекеттік органдар қызметінің құқықтық реттемелуін, бұл қызметтің заңдылығы мен жариялылығы, оған мемлекеттік және қоғамдық қадағалау жүргізуін қамтамасыз ету; мемлекеттік құрылымын, кадр жұмысын, жеке және заңды тұлғалардың құқықтары мен заңды мүдделерін тиетін мәселелерді шешу рәсімін жетілдіру. Дәріс оқытушысы жемқорлық құқық бұзушылықтары тәртіптік, әкімшілік және қылмыстық жауапкершілікпен тартылатынын белгіледі. Әңгіме үдерісінде филиал қызметкерлері өзін қызықтыратын сұрақтар қойып, оларға түбегейлі жауаптар алған, осылайша, жемқорлық әрекеттер жасап жүрген жеке тұлғалардың мемлекеттік атқарымдарын орындамауы туралы сұрағына, дәріскер сыбайлас жемқорлық құқық бұзушылық субъектiлерiне лауазымды және мемлекеттік мiндет атқаруға уәкiлеттi өзге де адамдарды немесе оларға теңестiрiлген адамдарды сатып алуды жүзеге асырушы, сол сияқты оларға заңға қайшы мүліктік игiліктер мен артықшылықтар беретiн жеке және заңды тұлғалар да жататынын түсіндірді. Сонымен бірге, дәріскер қаржы полициясының ресми сайты (www.finpol.gov.kz) туралы қосымша хабардар етіп, әр азамат одан өзіне қызықты мәселелер бойынша, соның ішінде Қаржы полициясы академиясына түскісі келетін түлектерге ақпарат ала алатындығын айтты. Сөз соңында дәріскер қорытынды жүргізіп, жемқорлыққа қарсы келесі әрекеттерден сақтандырушылық шараларын көрсетті: жемқорлық құқық бұзушылықтарға жол бермеу, Заңдарды сақтау бойынша жұмыстар жүргізу. Сөйтіп, бүгінгі таңда «Мемсараптама» РМК Ақтөбе облысы бойынша филиалы сыбайлас жемқорлыққа қарсы күрес бойынша қажетті шаралар қолдануда деп айтуға болады.