Қазақстан Республикасының Өңірлік даму министрлігінің кеңейтілген алқа мәжілісі

2014 жылдың 30 қаңтарында Қазақстан Республикасының Өңірлік даму министрлігінде кеңейтілген алқа мәжілісі өтті. Алқа мәжілісі жұмысына Қазақстан Республикасы Премьер-Министрі С.Ахметов, бірінші вице-премьер Б.Сағынтаев, Өңірлік даму министрі Б.Жәмішев, ҚР Өңірлік даму министрлігінің барлық құрылымдық бөлімшелерінің басшылары, сондай-ақ облыс, Астана мен Алматы қалаларының әкімдері қатысты. Алқа мәжілісінде 2013 жылға арналған ведомство қызметінің қорытындысы, осы жылы алға қойған мақсаттар талқыланды. Өңірлік даму, қала құрылысы және жер кадастры, «Қолжетімді тұрғын үй – 2020», «2020 жылға дейін моноқалаларды дамыту», «2020 жылға дейін тұрғын үй-коммуналдық шаруашылықты жаңғырту», «Ақ бұлақ», «2020 –бизнестің жол картасы» мәселелері қаралды.