"100 қадам" ұлт жоспары. Мемсараптаманың бәсекелестік ортаға көшуі

Тез, қолжетімді, сенімді! Сараптамаға құрылыс немесе сәулет объектісі жобасын көп ұзамай мобильдік қосымша арқылы тапсыруға болады. Бұл туралы "Мемсараптама" РМК өкілдері айтты. Олар солтүстікқазақстандықтарға электрондық нұсқаның ішкі процесін және барлық мүмкіндіктерін көрсетті. «Цифрлық Қазақстан» бағдарламасы жұмыс істеуде. 2020 жылға қарай электрондық түрде мемлекеттік қызметтердің үлесі 80% құрауға міндетті. Трансформациядан «Мемсараптама» РМК да өтті.Бұрын олар тек қана қағазбен жұмыс жасайтын.Құжаттардың әуре-сарсаңымен қорытындылар 285 жұмыс күннен кейін берілетін. Талант Омарбеков, «Мемсараптама» РМК Солтүстік өңірі бойынша филиалының директоры : Қазіргі таңда тапсырыс беруші жобаны сараптамаға тапсыру үшін өзінің жеке кабинеті арқылы жобаны жүктейді. 5 күн аралығында орталық аппарат «Мемсараптама» РМК толымдылыққа тексеру жүргізеді. Егер жоба толымсыз болса, жазылған себептермен қайтарылады, егер толымды болса, 45 күн аралығында ол сараптамадан өтеді және сараптама аяқталғаннан кейін жеке кабинетке қорытынды келеді. Сараптама қызметін толық автоматтандыруға 2015 жылы көштік. Бір жылдан кейін порталдың белсенділігі айтарлықтай өсті. Әнуар Касимов, «Мемсараптама» РМК сараптама қызметін автоматтандыру бөлімінің басшысы, Астана қаласы: - 2016 жылы 16 мың өтініш жіберілген болатын. Ал 2017 жылдың бірінші жартысында 8 798-ге дейін жетті. Қазіргі таңда 9 мыңнан астам белсенді тіркелген пайдаланушылар бар. Көп ұзамай жобаны смартфон арқылы жүктеп, смартфон арқылы қорытынды алуға болады. Қазір мобильдік қосымша әірленіп жатыр. Кеңеске қатысушылар, ал олар жергілікті сарапшылар мен құрылыс фирмалардың өкілдері бұл жаңалықты бағалады. Мемсараптаманың іштей қалай жұмыс істейтіндігін танып білді. "Архстрой" компаниясы – порталдың белсенді қолданушысы. Сараптамаға ЖСҚ-ды кем дегенде айына бір рет жібереді. Бұл өте тез және ыңғайлы дейді. Евгений Молоканов, «Архстрой» ЖШС жобалау тобының басшысы: - Шынымды айтсам, жас және өте білікті адам бола отырып, нақты "вауэффект" туғызатын осындай қызықты да пайдалы заттарды білдім. Керемет! Алға жүріп келе жатқан мемлекетіміз үшін қатты қуанамын . Мұның барлығы "100 нақты қадамы" президенттік ұлт жоспарының арқасында іске асуда. 47-шіге сәйкес жобалардың сараптамасы бәсекелестік ортаға көшуі тиіс. Биылғы жылы осындай ЖСҚ саны 70% - ға жетеді. Келесі жылы 10 тармаққа артатын болады.