2013 жылғы 18 қаңтарда «Мемсараптама» РМК-де 2011-2020 жылдарға арналған «Ақ бұлақ» ауыз сумен жабдықтау салалық бағдарламасын іске асыру мәселесі жөніндегі республикалық семинар-кеңес өтті. Семинар-кеңес жұмысына «Мемсараптама» РМК бас кәсіпорынының инженерлік желілер және құрылыстар бөлімі бойынша сарапшылары, «Казахский Водоканалпроект» АҚ мамандандырылған салалық институтының өкілдері қатысты. Семинар-кеңесте сумен жабдықтау және су бұру объектілерінің жобалау-сметалық құжаттамасын әзірлеу бойынша, инженерлік инфрақұрылым объектілерінің жобалау-сметалық құжаттамасын ерекше тәртіпте әзірлеудің ережесін қалыптастырудың және талаптарының бірыңғай тәсілі мәселелері қаралды. Семинар-кеңесте «Казахский Водоканалпроект» АҚ мониторинг және инженерлік инфрақұрылым бөлімінің бастығы С.Б. Чепрасов және «Мемсараптама» РМК инженерлік желілер және құрылыстар бөлімінің бас маманы Б.Ш. Үмбетов сөз сөйлеп, өз баяндамаларында жобалау шешімдерін қабылдау кезіндегі энергия тиімділігі және энергия үнемдеу мәселелеріне ерекше назар аударды.
Бұған қоса семинар-кеңесте сараптау жұмыстарының сапалық деңгейін көтеруге бағытталған жобалау-сметалық құжаттаманы электронды түрде қабылдау жүйесін және бірыңғай электрондық құжат айналымы жүйесінің жаңа тұғырнамасын таныстыру рәсімі өтті.
Өткізілген республикалық семинар-кеңесте инженерлік инфрақұрылым объектілерінің жобалау-сметалық құжаттамасын әзірлеу кезіндегі сапасын әрі қарай жоғарлату жұмыстарының бірыңғай тәсілі мен бағыттары анықталды.
Республиканское государственное предприятие на праве хозяйственного ведения
«Государственная вневедомственная экспертиза проектов»
