Мәскеу қаласындағы «Жобалау құжаттамасының сараптамасы» тақырыбындағы семинар.

2013 жылдың 6-10 желтоқсан аралығында Мәскеу қаласында «Прогресс» Ресей ғылыми-техникалық ақпарат орталығымен (ҒТАО) ұйымдастырылған «Жобалау құжаттамасының сараптамасы» тақырыбында семинар өтті. Семинарға біліктілігін арттыру және тәжірбиемен алмасу мақсатында «Мемсараптама» РМК-нің филиал директорлары мен бөлім бастықтары қатысты. Семинарда мынадай тақырыптар қарастырылды: - 2012 жылы ресей заңнамасындағы өзгеріске (сараптаманың мерзімін 90 күннен 60 күнге қысқарту, федералдық және өңірлік сараптама ұйымдары арасында өкілеттілікті шектеу, мемлекеттік және мемлекеттік емес сараптама өкілеттігін нақтылау және т.б.) сәйкес жобалау құжаттаманың сараптамасын ұйымдастыру және жүргізу. Сараптама жүргізудің мерзімін қысқартуға байланысты, мемлекеттік сараптамалық ұйымдар теріс сараптама қорытындыларын беру үлесін арттырғаны анықталды. -жүргізілген инженерлік іздестірулер мен үлгілік жобалау құжаттамасының тізімін қалыптастыру; -жобалау құжаттамасын мемлекеттік емес сараптама ұйымдары қарастыруды ұйымдастыру; - сараптамаға ұсынылатын жобалау құжаттамасына, бөлімдердің құрамына және мазмұңына, сондай-ақ инженерлік іздестіру нәтижелеріне қойылатын талаптар; Сарапшыларды аттестациялау және сараптама ұйымдарын аккредитациялау тәртібі, сонымен бірге сараптама ұйымдары басшыларының сарапшы аттестаты болуы қажет емес; - сараптама нәтижелеріне шағымдану тәртібі. - құжаттаманы қайта бекітуге ұсыну кезінде құрылыстың сметалық құнын қалыптастырудың ерекшіліктері; - ғимараттар мен құрылыстарды халықтың аз жұмылдырылған тобы қол жеткізуін ескере отырып жобалау; - жобалау құжаттамасының санитарлық-эпидемиологиялық, экологиялық талаптарға, өрт, өнеркәсіптік және өзге де қауіпсіздік талаптарына сәйкестігін бағалау; Энергия үнемдеу бойынша қамту және энергия тиімділігін арттыру бойынша талаптарды пайдалану; Желілік объектілер бойынша жобалау құжаттамасын әзірлеу және ол бойынша сараптама жүргізу. Барлық қарастырылған мәселелер бойынша «Мемсараптама» РМК үшін маңыздылығы бар методикалық материал алынды. Семинар соңында мамандар қысқа мерзімді біліктілікті арттыру туралы сертификаттарға ие болды.