Тәуелсіздік күніне арналған салтанатты жиналыс

2017 жылғы 15 желтоқсанда ұлттық мереке - Қазақстан Республикасының Тәуелсіздік күнін мерекелеу қарсаңында «Мемсараптама» РМК филиалдарының қатысуымен бейне-конференция түрінде салтанатты жиналыс өтті. Салтанатты жиналыстың басталуы «Мемсараптама» РМК Бас директоры Т.Д. Карагойшиннің сөз сөйлеуімен басталды. Ол барлық қызметкерлерді атаулы мерекемен құттықтап, көзге түскен үздік қызметкерлерге алғыс хаттар мен грамоталар берді. Сонымен қатар, мемлекеттік марапаттарға ие болған қызметкерлерді марапаттау салтанаты болды. Марапатталғандар қатарында өндірістік бөлімі бастығының орынбасары Л.Б. Манапбаева да болды. Қазақстан Республикасының дамуына өзіндік үлесін қосқаны үшін оған Қазақстан Республикасы Инвестициялар және даму министрлігінің Құрмет грамотасы табысталды. Жиналыс музыкалық сүйемелдеумен, өте ыстық мерекелік көңіл күйде өтті. Жиналыстың екінші бөлімінде филиал директоры С.О. Лекеров филиал ұжымын мемлекетіміздің Тәуелсіздік күнімен құттықтады. Тәуелсіздік күні – көп ұлтты Қазақстанның ең атаулы мерекесі. Бүгінде біздің мемлекет Елбасымыздың, Ұлт лидері Нұрсұлтан Әбішұлы Назарбаевтың басышылығымен өз экономикасын одан әрі дамытып, әлеуметтік ортасын нығайтып отырған мемлекет. Егемендік алғаннан бастап, Елбасымыздың ауқымды белсенділігінің арқасында халықаралық атаққа ие болды. Біздің мемлекетімізді әлемнің барлығы таниды. Сондықтан, Мемлекетіміздің әрбір тұрғыны болашаққа сеніммен қарап, өзінің Қазақстан азаматы екендігін мақтан тұтары сөзсіз. Жиналыс соңында Қазақстан Республикасының құрылуы мен дамуы, еліміздің бірінші Президенті туралы бейнероликтер көрсетілді. «Мемсараптама» РМК басшылығына барлық кәсіпорын филиалдарының қатысуымен өткен жиналысты жоғарғы деңгейде өтуін ұйымдастырғандары үшін үлкен алғыс білдіреміз. Филиалдың барлық ұжымының атынан Қазақстан Республикасының тәуелсіздік күнімен құттықтаймыз! Шын жүректен Сіздерге зор денсаулық, бейбітшілік пен келісімі, отбасыларыңызға бірлік-береке тілейміз. Еліміз өркендеп, көркейе берісн!