2022-2026 жылдарға арналған сыбайлас жемқорлыққа қарсы саясат

2023 жылдың 27 қарашасында «Мемсараптама» РМК Батыс аймағы бойынша филиалында Сыбайлас жемқорлыққа қарсы іс-қимыл департаментінің Маңғыстау облысы бойынша департаментінің алдын алу бөлімінің өкілі – Мұқатай Нұргүл Тұрлыбайқызымен «2022-2026 жылдарға арналған сыбайлас жемқорлыққа қарсы саясат» тақырыбында лекция өтті. Шара барысында сыбайлас жемқорлыққа қарсы саясаттың жүзеге асырылуы туралы ақпарат берілді. Ішкі талдаулар аясында мемлекеттік және квазимемлекеттік секторлардағы сыбайлас жемқорлық тәуекелдерін қылмысқа апармай жоюдың өзекті мәселелері талқыланды. Талқылау барысында кездесуге қатысушылар мемлекеттік сыбайлас жемқорлыққа қарсы саясатты іске асырудың практикалық тетіктерін одан әрі жетілдіру және адалдық мәдениетін тәрбиелеу бойынша өз пікірлерін білдірді. Филиал ұжымы Нұргүл Тұрлыбайқызына танымдық лекция-әңгіме өткізгені үшін алғыстарын білдірді.